Қазақстан бокс құрамасының капитаны Айбек Оралбай Англияның Ливерпуль қаласында өтіп жатқан әлем чемпионатының финалына жолдама алды, — деп хабарлайды Massaget .kz тілшісі.

91 келіден жоғары салмақ дәрежесіндегі жартылай финалда ол атақты кубалық Хулио Сесар ла Крусты 3:2 есебімен жеңді.

Хулио Сесар ла Крус – екі дүркін Олимпиада чемпионы (2016, 2020) және бес дүркін әлем чемпионы (2011, 2013, 2015, 2017, 2021).

Бұған дейін ширек финалда Оралбай хорват Луку Пратлячичті жеңген болатын.

Еске салайық, жұмада қазақстандық боксшы Аида Әбікен әлем чемпионатының финалына шығып, ирландиялық Грэйнн Мэри Уолшты ұтты.

Одан бірнеше сағат бұрын Қазақстанның үш дүркін әлем чемпионы Назым Қызайбай 48 келіге дейінгі салмақта жартылай финалға шықты. Сондай-ақ, қазақстандық боксшы Санжар Тәшкенбай әлем чемпионатының 50 келіге дейінгі салмақтағы жартылай финалына өтті.

Қызықты жаңалықтар мен видеоларды көру үшін TikTok арнамызға жазылыңыз!