Биыл еліміздің әскери жоғары оқу орындарында білім беру процесін цифрландырып, оқу бағдарламасына жасанды интеллект сабағын енгізеді.
Қорғаныс министрі Дәурен Қосановтың сөзіне сүйенсек, құрылыста және көлік-логистикалық салаларда 3D-модельдеуді кеңінен қолдану қажет. Жасанды интеллект әскери медицинада да қолданылмақ. Президент халыққа Жолдауында медициналық қызметтің сапасы мен көлеміне мониторинг жүргізудің жаңа жүйесін әзірлеуді тапсырды.
Дархан Ахмедиев, ҚР Қорғаныс министрінің Цифрландыру жөніндегі орынбасары:
- Үш жылдық цифрлық трансформация жол картасын бітіргелі жатырмыз. Келесі үш жылға цифрлық трансформация картасын жасап, онда негізгі акцентті жасанды интеллектке қойып жатырмыз. Жақын арада жасанды интеллекті басқармасын құрған болатынбыз. Бұл бізде қол астымызда жүріп жатқан AI жобаларды біріктіріп, ЖИ-ді Қорғаныс министрлігіне қалай енгізуге болатыны туралы концепция құрып жатыр.
