Қазақстан теннис құрамасы 12-13 қыркүйекте Оңтүстік Кореяның Чхунчхон қаласында Дэвис кубогының бірінші әлемдік тобындағы плей-офф матчын өткізеді.

Бұл туралы Caravan.kz медиа порталы хабарлайды.

Ұлттық құрама Оңстүстік Кореямен шеберлік байқасады.

Федерацияның мәлімдеуінше, Юрий Щукин бастаған бапкерлер штабы алдағы матчқа арналған құрамды жариялады. Оған Александр Бублик, Александр Шевченко, Тимофей Скатов, Дмитрий Попко және Бейбит Жұқаев енді.

Ойындар Songam Sport Town орталығында хард төсенішіндегі корттарда өтеді. Дэвис кубогының іріктеу матчтары төрт жекелей және бір жұптық кездесуден тұрады. Ойын үш сеттік форматта ойналады.