Қазақстанның бірінші, әлемнің 12-ракеткасы Елена Рыбакина Монреаль (Канада) WTA 1000 турнирінің финалына шыға алмады, — деп хабарлайды Massaget.kz тілшісі.

Қазақстандық теннисші жартылай финалда WTA рейтингінде 85-орында тұрған 18 жастағы канадалық Виктория Мбокомен кездесу өткізді.

Өткен айда қарсыластар Вашингтон WTA 500 турнирінде кездесіп, Рыбакина 6:3, 7:5 есебімен ұтқан еді. Бұл жолы бірінші партияда қазақстандық теннисші 6:1 есебімен басым түсті. Екінші сетте стадион толы жанкүйердің қолдауымен жергілікті спортшы есе қайырды: 7:5. Үшінші, шешуші партияда есеп 2:2 болған мезетте Рыбакина брейкке қол жеткізіп, өз геймін де қоса алды: 4:2. Бірақ есеп 5:4 болып, өзі доп бергенде, матчболын мүлт жіберді: 5:5. Бұдан кейін қарсыластар тағы брейк алмасты: 6:6. Тай-брейк канадалық спортшының пайдасына шешілді: 7:6 (7:4).

2 сағат 46 минутқа созылған тартысты бәсекеде Елена Рыбакина 5 эйспен бірге 13 брейк-пойнттың жетеуін пайдаланды.

Instagram парақшамызға жазылып, ең қызықты ақпараттарды бірінші болып оқыңыз!