Перизат Қайрат ісі бойынша сот үкімі шықты . “Biz Birgemiz” қайырымдылық қорының бұрынғы жетекшісі 10 жылға, ал оның анасы Ғайни Алашбаева 8 жылға бас бостандығынан айырылды.

Ернұр Медет, тілші:

Бүгін атышулы іске нүкте қойылды. Сот Перизат Қайраттың кінәсін жәбірленушілер, куәлар, сараптамалық қорытындылар мен заттай айғақтар арқылы толық дәлелденді деп тапты. Прокурор бастапқыда Ғайни Алашбаеваға 8 жыл сұраған. Бірақ анасының жасы ескеріліп, жаза 1 жылға қысқартылды. Жалпы сотталушылардың 3 бірдей алаяқтық эпизодқа байланысты кінәлі деп танылды. Атап айтқанда: балаларға арналған оңалту орталығын салу, Пәлестина тұрғындарына және Қазақстандағы су тасқынынан зардап шеккен азаматтарға көмек көрсету деген желеумен халықтан жиналған қаражатты жымқырған.

Ернұр Медет, тілші:

Бұған дейін белгілі бтлғандай Қылмыстық жолмен иемденген қаржы көлемі 3,5 миллиард теңге. Бұл қаражатқа элиталық 4 тұрғын үй, Жеке коттедж, 2023–2024 жылғы Mercedes-Benz ,Lexus LX 600, Haval маркалы көліктер, Сондай ақ гүл бизнесін сатып алған. Барлық мүлік толығымен тәркіленді. Ал Перизат Қайраттың адвокаты бұл шешіммен келіспейтінін айтты.

Асланбек Дәулетияр, адвокат:

Міндетті түрде береміз. Үкіммен келіспейміз. Негізді емес. Заңды емес. Мен сөйлесіп үлгермедім. Қазір шығып тергеу изоляторына барып сөйлесеміз. Міндетті түрде апелляцияға шағым келтіреміз.

Ернұр Медет — тілші:

Сотталушылар өз кінәсін мойындаған жоқ және ақталуды сұраған. Алайда сот олар жасаған қылмыстардың “ерекше цинизммен” жасалғанын, қоғамның сеніміне нұқсан келтіргенін айтып, ешқандай жеңілдік қарастырмады.

Ернұр Медет