Оның мақсаты – жастардың әлеуметтік мәселесін шешу. Жас буынды баспанамен қамтамасыз етіп, кадрлық әлеуетті дамытуға басымдық беріледі.

Бұл туралы Мәжіліс төрағасы Ерлан Қошанов мәлімдеді. Ол «Жастар рухы» республикалық жастар саяси лагерінің «Бір толқында» диалог алаңына қатысты. Шараға әр өңірден 500-ге жуық делегат жиналған. Олардың қатарында инженер, кенші, металлург сынды мамандар бар. Отырыста қоғамның қордалы мәселелері талқыланып, жастар түйіткілдерге қатысты өз пікірін ортаға салды. Аталмыш лагерь жұмысы 10 шілдеге дейін жалғасады.

Ерлан Қошанов, ҚР Парламенті Мәжілісінің төрағасы:

- Адал азамат қашан да абыройлы, адал азамат қашан да бағалы. Бұл – Мемлекет басшысының басты тұжырымдамасы. Осыны ескеріп, Президент 2022 жылды жұмысшы мамандықтар жылы деп жариялағанын өздеріңіз білесіздер. Осы ретте, «AMANAT» партиясы «Жұмысшы жастар аманаты» деген жаңа жобаны бастайын деп отыр. Жобаның мақсаты – жұмысшы жастардың әлеуметтік мәселесін шешуге ықпал ету. Аз сөйлеп, көп, іс тындыратын да осы біздің жұмыссыз жастар. Сондықтан біз тікелей осы жұмысшы жастармен жұмыс істеуіміз керек.