Әскери борышын өтеп жүргендердің 90%-і – ауыл жастары. Елордадағы әскери бөлімге барған Мәжіліс депутаты Серік Егізбаев осыған көзі жеткізгенін айтады, деп хабарлайды 24kz.

Сарбаздармен кездесуінде депутат армияға қатысты елдегі заңдардың жаңа нормаларын түсіндірді. Мәселен, Астанада әскери қызметтен кейінгі қоғамға бейімдеу орталығы жұмыс істейді. Яғни, жұмыс табуға жағдай жасайды. Бүгінде орталық мыңға тарта сарбазға әскерден кейін өз жолын табуға көмектескен. Бұдан бөлек, жоғарғы оқу орнына түсуге жеңілдіктер қарастырылған. Сонымен қатар жатақханадан орын алу мүмкіндігі де бар.

Серік Егізбаев, ҚР Парламенті Мәжілісінің депутаты:

- Ол заңдар күні кеше ғана деп айтуға болады, Президент қол қойды, сиясы кеппеген. Бірақ та қажет болса, әскерлердің жағдайларын жақсарту үшін біз әрқашан да осындай кездесулерге келіп, өмір жүріп жатыр, басқа да мәселе туындай береді. Біз ол мәселелерді үнемі көтеріп,қажет болғанда заңдарға өзгертулер енгізуге депутаттардың тарапынан дайынбыз дегенді айтқым келіп отыр.