Ақмола облысында шомылу маусымы басталғалы 12 адам суға кетті.

Оның біреуі бала. Қазір төтенше жағдайлар қызметкерлері судағы қауіпсіздікті күшейтуге кірісті. Арықтар мен жағалау маңын тексеріп, тыйым салынған жерде шомылғандарға айыппұл сала бастады. Осы күнге дейін 47 адам әкімшілік жауапкершілікке тартылды. Қайғылы оқиғалардың дені мас күйде шомылғаннан, алысқа жүзіп кеткеннен және балаларды қараусыз қалдыру салдарынан болған. Жалпы соңғы 3 жылда аймақта 51 адам суға кетсе, оның 19-ы бала.

Бақыт Абланов, ТЖД басқарма бастығы:

- Қауіпсіздікті қамтамасыз ету мақсатында тұрақты түрде су айдындарында рейд жүргізіледі. Қазір суға түсетін 86 орын белгіленген. Бірақ соның тек 69-ы шомылуға жарамды. Ол жерлерге құтқарушылар мен техника да жұмылдырылған.