«Халық заңгері» республикалық әлеуметтік науқаны еліміздің барлық аймағын қамтиды. Шара бір мезетте 30 мамыр, сағат 17: 00-де өтеді, деп жазады Egemen .kz.

Науқанда үздік заңгерлер тұрғындарға тегін кеңес береді. Қазақстандықтар азаматтық құқық және процесс, банктік құқық, атқарушылық іс жүргізу, неке-отбасы құқығы, мұрагерлік, тұрғын үй, жер, еңбек, салық, әлеуметтік қамсыздандыру және нотариаттық қызмет, зияткерлік меншік, корпоративтік әкімшілік құқық, қылмыстық құқық және процесс бағыттарында толғандырған сұрақтарына жауап ала алады.

Астанадағы «Халық заңгері» республикалық әлеуметтік науқаны Әл-Фараби атындағы оқушылар сарайында ұйымдастырылады. Өңірлердегі науқан өтетін мекенжайларды lp.prg.kz сайтынан көруге болады.