Үржардағы апаттан аман қалған балалардың денсаулығы туралы шұғыл ақпарат келіп түсті. Үржардан Семей медицина университетіне жеткізілген 9 жасар жасөспірімнің жағдайы өте ауыр. Ол бас миының ауыр жарақатын алған. Қазір команың үшінші деңгейінде жатыр. «Кеуде мен іш қуысының жарақаты, бауырдың жарылуы, ішкі қан кету болған» деді дәрігерлер. Көп қан жоғалтуына байланысты ауыр геморрагиялық шок алған және ауыр анемия бар. Жасанды тыныс алу құрылғасының көмегімен, сондай-ақ дәрі-дәрмектің көмегімен жүрек жұмысын ұстап тұр. Интенсивті терапия жүргізіліп жатыр.

Ал Астанаға санавиациямен жеткізілген балалардың жағдайы тұрақты. Көпсалалы қалалық №2 балалар ауруханасының дерегінше, екеуі де травматология бөлімшесінде жатыр. Қазіргі уақытта дәрігерлік тексеру жүргізіліп, отаға дайындық үстінде.

Самал Қабышева