Астанада жеңіл көлік жүргізушісі Сарайшық көпірінде екі жұмысшыны қағып кетті. Олардың бірі оқиға орнында қаза тапты, екіншісі ауруханаға жеткізілді, — деп хабарлайды Massaget.kz тілшісі.

Желіде оқиға орнынан видео тарады.

Посмотреть эту публикацию в Instagram

Публикация от ASTANA_BROTHER | АСТАНА | NEWS (@astana_brother)

Астана полициясы оқиға 18 тамызда түнде болғанын мәлімдеді.

"Skoda маркалы көлік жүргізушісі Қошқарбаев көшесінен Сарайшық көшесі бағытына қарай Сарайшық көпірімен келе жатып, жол жөндеу жұмыстары жүргізіліп жатқанын ескермей, жөндеу жұмыстарын істеп жатқан екі жұмысшыны қағып өтті. Жол апаты салдарынан жұмысшылардың бірі оқиға орнында қаза тапты, екіншісі ауруханаға жатқызылды", – деді департамент өкілдері.

Бұл дерек бойынша қылмыстық іс қозғалды, соталды тергеу жүргізіліп жатыр. Көлік құралы арнайы тұраққа қойылды.

Instagram парақшамызға жазылып, ең қызықты ақпараттарды бірінші болып оқыңыз!