31 шілдедегі доллар бағамы белгіленді, — деп хабарлайды Massaget .kz тілшісі.

KASE Қазақстан қор биржасындағы күндізгі сауда-саттық қорытындысы бойынша доллардың орташа бағамы 540,78 теңге болып, 5,42 теңгеге төмендеді.

Айта кетейік, Ұлттық банктің 31 шілдедегі ресми бағамы — бір доллар үшін 546,36 теңге.

kurs.kz деректері бойынша қазір Алматының ақша айырбастау орындарында долларды сатып алудың орташа бағамы 539,77 теңгеге, сату бағамы 542,25 теңгеге тең. Астанада америкалық валютаны орта есеппен 538,39 теңгеден сатып алып, 545,38 теңгеден сатып жатыр.

Айта кетейік, бүгін премьер-министрдің бірінші орынбасары Роман Скляр Қазақстандағы доллар бағамына қатысты болжам жасады.

"Менің және әріптестерімнің болжамы бойынша доллар бағамы кері кетеді. Ол көтерілмейді. Бұған дейін де мұндай жағдайларды талай рет көрдік, бағам тұрақталды. Ұлттық банк бұл үшін бар күшін салады деп ойлаймын, нарық та өз ретімен жұмыс істейді", – деді ол.

Еске салайық, бұған дейін ақша айырбастау орындарында доллар бағамы 550 теңгеден асып кеткені хабарланды. Кейін Ұлттық банк долларға қатысты ахуалды түсіндірді.

Instagram парақшамызға жазылып, ең қызықты ақпараттарды бірінші болып оқыңыз!