Өзбекстанда қоқысты бейберекет тастайтындармен және көлік терезесінен лақтыратындармен күрес күшейді. Мұндай азаматтарға заңды түрде әкімшілік жаза қолданылады. Жыл басынан бері тұрмыстық қалдықты рұқсат етілмеген орынға тастаған 5 мыңнан астам тұрғын айыппұл арқалады. Елдің барлық аймағында көшелердегі онлайн камералар арқылы тиісті бақылау жүргізіледі. Биылғы жылдың бес айында 700 мың долларға жуық айыппұл салынып, оның жартысы өндірілді дейді мамандар. Оң нәтиже де жоқ емес. Пластик құтыны жұрт көлік терезесінен лақтырмай, тиісті орындарға өткізуге дағдыланып келеді.

Нодир Шеркулов, Экология министрлігінің бас маманы:

Тұрмыстық қалдықтарды, оның ішінде пластикті қайта өңдеу бойынша кешенді жүйе құрылуда. 2027 жылға дейін арнайы жоба аясында 11 облыста қоқысты қайта өңдейтін кәсіпорындар салынады. Осы арқылы қоқыс полигондарының санын бес есеге қысқарту жоспары бар.

Базаркүл Отыншиева