Министрлік Таяу Шығыс елдеріндегі барлық дипломатиялық өкілдіктер қалыпты режимде жұмыс істеп жатқанын, ал қажет жағдайда азаматтарға тәулік бойы консулдық және құқықтық көмек көрсетілетінін мәлімдеді.

Сыртқы істер министрлігі Таяу Шығыстағы шиеленіскен әскери-саяси ахуалға байланысты Қазақстан азаматтарына бұл өңірге жоспарланған сапарларын қайта қарауға кеңес берді, деп жазады inbusiness.kz сайты.

– Қазіргі уақытта жағдай мен ықтимал қауіп-қатерге жан-жақты талдау жасалып жатыр. Құзыретті мемлекеттік органдармен және шетелдік серіктестермен бірлескен жұмыс жүргізілуде. Таяу Шығыс елдерінің бірқатарында әуе кеңістігіне уақытша шектеу қойылып, бұл халықаралық рейстердің кейінге шегерілуіне немесе тоқтатылуына себеп болды, – делінген министрлік хабарламасында.

Осыған орай, ведомство Қатар мен Біріккен Араб Әмірліктерін қоса алғанда, Таяу Шығыс елдерінде жүрген отандастарға мынадай сақтық шараларын ұстануға кеңес береді:

• сабыр сақтап, жергілікті билік белгілеген қауіпсіздік талаптарын қатаң орындау;
• адамдар көп жиналатын орындар мен әскери нысандардан аулақ болу;
• ресми органдар мен Қазақстан өкілдіктері таратқан ақпаратты жіті бақылау;
• рейстер мен елден шығу мүмкіндігін үнемі нақтылап отыру;
• төтенше жағдайда елшіліктермен жедел байланыс орнату.

Жедел байланыс нөмірлері:

– Қатардағы ҚР елшілігі:
+97450649955, +97470910579
✉️ Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс., Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

– БАӘ-дегі ҚР елшілігі (Әбу-Даби):
+97124498778, +971503629805
✉️ Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

– Дубайдағы бас консулдық:
+971556103341, +971505701978
✉️ Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

– ҚР СІМ:
+7 (7172) 72-05-00