Шетелде қазақстандық креативті индустрия өнімдеріне сұраныс артқан.

Сондықтан еліміз осы салаға да баса назар аудармақ. Бұл туралы Астанада өткен экспорттаушылар форумында «QazTrade» басшысы мәлімдеді. Айтмұхамбет Алдажаровтың айтуынша, еліміздің бұл салада жетекші рөлге ие болу мүмкіндігі жоғары. Сондықтан шетелдердегі павильондарда кино, өнер және сән индустриясының өнімдерін жарнамалап, қолдау көрсетпек.

Айтмұхаммет Алдажаров, «QazTrade» АҚ Бас директоры:

- Біз сән индустриясына сұраныс жоқ деп ойлаймыз. Бірақ біз өндіретін сәнді бұйымдар, кинотуындылар, картиналардың шетелдік нарықтағы мүмкіндігін толық пайдалана алмай отырмыз. Казтрейд осы экспорттаушылар форумында креатив индустриясын да қолдайды. Себебі қазір бұл тауарларға сұраныс артып келеді. Әлем халқы біркелкі дүниелерден шаршады. Ерекше бұйымдарды, өнімдерді тұтынғысы келеді. Қазақстанның бұл салада ойып тұрып орын алуға мүмкіндігі жетеді.