Қазақстандық оқушылар Ташкентте өткен Абу Райхон Беруни атындағы халықаралық олимпиаданың жүлдегері атанды, деп хабарлайды 24kz.

Жас химиктер ел қоржынына 10 медаль салып, жалпыкомандалық есепте үштіктен көрінді. Әлемнің 13 елінен келген 115 қатысушыға, Израиль мен Франция ғалымдары төрелік жасады.

Дулат Нуркин, тілші:

- Әлемдік рейтингте Қазақстан құрамасы химия пәні бойынша үздік ондыққа кіреді. Балаларды дайындайтын білікті мамандар шоғыры қалыптасқан. Ташкенттегі сайысқа Ақтөбе қаласының білім инновация мектебінің оқушылары келді.

Ибрахим Бақдәулет, Ақтөбе Білім-инновация лицейі химия пәнінің мұғалімі:

- Бізде халықаралық екі олимпиада бар. Менделеев және дүниежүзілік. Олардың стиліне ұқсамайды. Өзіндік стиль қалыптастырып жатыр. Бұл олимпиадада Өзбекстан, Ресейдің профессорлары, Израиль мен Францияның профессорлары бірігіп, сұрақтарды құрастырды.

Халықаралық сайысқа 13 елден 115 оқушы қатысты. Жас химиктерге тапсырманы орындау үшін 5 сағат берілді. Ұйымдастырушылар қатысушылар деңгейінің жоғары екенін айтады.

Даврон Тухтаев, оқушыларды Олимпиадаға даярлау орталығының бөлім басшысы:

- Сайыс жеңімпаздары екі кезең нәтижесі бойынша анықталды. Бірінші айналымда оқушылар практикалық тапсырмаларды орындаса, екінші кезеңде теориялық сұрақтарға жауап берді. Қатысушылар деңгейі өте жоғары. Үлкен айындықпен келгендері көрініп тұр.

Сайыс қортындысы бойынша Қазақстаннан келген 13 оқушының оны жүлдегер атанды. Осылайша жалпыкомандалық есепте үздіктер қатарынан көрінді.

Нұрсейіт Сейтқазиев, химия пәнінен халықаралық Олимпиада жүлдегері:

- Бірінші практикалық турда өте қиын болды. Соны жақсы жазғаным үшін екінші орын алдым деп ойлаймын. Мен химиядан жаңа дәрілер ашып, адамзатқа көмектескім келеді. Сол үшін қызығам.

Шілде айында Біріккен Араб Әмірліктерінде химия пәнінен дүниежүзілік олимпиада өтеді. Оған әлемнің 90 елінің жас химиктері қатысуға ниет білдірген. Ал Ташкенттегі сайыс оқушылардың тәжірибесін шыңдауға жақсы мүмкіндік болғандай.

Авторы: Дулат Нуркин