Елордада жасөспірімдердің қатысуымен болатын қылмыстардың саны азаймай тұр, деп хабарлайды 24kz.
Жыл басынан бері Астанада кәмелетке толмағандар жасаған 91 заңбұзушылық тіркелген. Оның ішінде 74 ұрлық фактісі анықталған. Жастар арасындағы құқық бұзушылықтардың алдын алу үшін елордалық прокурорлар мектеп оқушыларына түсіндіру жұмыстарын жүргізді. Кездесуге танымал спортшылар да қатысып, жасөспірімдерді салауатты өмір салтын ұстануға шақырды.
Маратбек Мырзамұратов, Алматы ауданының прокуроры:
- Іс-шара Қазақстан спортшыларымен кездесіп, оларға өздерінің сұхбаттасу арқылы сұрақ қойып, олардан жауап алу арқылы ары қарай өздерінің өмірлік жолдарына тиісті жауап алу үшін істеліп жатқан. Ең басты мақсат – Президентіміздің концепциясы бар ғой: «Заң және тәртіп» деген, сол іс-шараны жүзеге асыруға бағытталған біздің бүгінгі кездесуіміз.
