Қарағанды облысында көктемгі ағаш егу науқаны аяқталды .
Биыл орман қорының аумағына 1 миллион 300 мыңнан астам көшет егілді. Аталған жасыл желектің басым бөлігі қарағай мен шырша, яғни қылқан жапырақты ағаштар. Орман шаруашылығы мамандарының айтуынша, бұл ағаш түрлері аймақтың климаттық жағдайына бейімделгіштігімен ерекшеленеді. Көшеттердің негізгі бөлігі Қарағанды, Теміртау және Шахтинск қалаларының айналасына егілген. Бұл аймақтарда өнеркәсіп ошақтары көп шоғырланғандықтан экологиялық тепе-теңдікті сақтау мақсатында жасыл желектердің көлемін ұлғайту көзделіп отыр. Орманшылардың айтуынша, жалпы 135 гектар аумақ көгалдандырылған.
Мақсат Мұқанов, Қарағанды орман және жануарлар дүниесін қорғау шаруашылығының басшысы:
- Күзгі маусымға жоспарланып отыр. Қазіргі бақта өзіміздің тәлімбақта көшеттер күтіліп жатыр. Енді биыл ауа райы қатты ыстық болып тұр. Соған байланысты біз енді егілген көшеттерді шамамыз келгенше суарып жатырмыз.
