Астанада Мемлекеттік рәміздер күніне орай Ұлттық ұланның Үлгілік-көрсетімді оркестрінің салтанатты шеруі өтті, деп хабарлайды 24kz.

Шара Сарыарқа ауданы әкімдігінің қолдауымен құқықтық тәртіп әскерлерінің бастамасымен ұйымдастырылды. Жиында Құрмет қарауыл ротасының әскери қызметшілері көк Туды мерекелік шерудің алдыңғы шебінде салтанатпен алып жүрді. Ашық аспан астындағы сахнада ұландықтар патриоттық әндерді шырқады. Самалды кештегі салтанатты шеру көрерменге ерекше әсер сыйлап, әр азаматқа ұлттық бірлік пен тәуелсіздігіміздің нышаны болған мемлекеттік рәміздердің маңыздылығын жеткізді.