ҚМА Маңғыстау облысы бойынша департаменті заңсыз кәсіпкерлікке қатысты тергеу жүргізіп жатыр, — деп хабарлайды Massaget.kz тілшісі.

Ақтауда ерлі-зайыпты Instagram, TikTok және Telegram желілерінде 850 мыңнан аса оқырмандары бола тұра, ауқымды онлайн лотереялар ұйымдастырған.

"Лотерея операторы ретінде тіркелмегеніне қарамастан, көлік, пәтер және басқа да бағалы сыйлықтар ойнатқан. Қатысушылар құны 500 теңгеден 50 000 теңгеге дейін тұратын билет (цифрлық нөмір) сатып алып отырған. Тергеу мәліметтеріне сәйкес бұл лотереяларға 1 800-ден аса азамат қатысқан", — деп жазылған хабарламада.

Заңсыз қызмет нәтижесінде табыс сомасы 162 млн теңгеден асқаны анықталды.

Қазір күдіктілердің мүлкі мен банк шоттарына тыйым салынды. Соталды тергеу жалғасып жатыр.

Өзекті жаңалықтарды өз уақытында оқу үшін Facebook парақшамызға жазылыңыз!