35 жастағы ер адам дерт салдарынан тез қартайған, — деп хабарлайды Massaget .kz тілшісі.

Ұлыбритания тұрғыны Оливер Брэдшоу неге 35 жасында түрі де, көңіл күйі де 55-тегі адамдай болып кеткенін ұзақ уақыт түсіне алмаған. Daily Mail басылымына ол тез қартайып кетудің жасырын себебін гормон тапшылығын анықтайтын анализ көмектескенін айтты.

Оливердің сөзінше, бар болғаны бірнеше айдың ішінде өзі қартайып, әлсіз болып қалған: артық салмақ қосып, шашы сиреп, тез шаршап, қарапайым нәрселерді ұмыта бастаған. Тіпті ауыр депрессияға түсті. Дәрігерлер тексергенімен, нақты неге шалдыққанын таппай, оның жағдайына қарап жүйелі қызыл жегі, деменция, тіпті ми патологияларын да күдіктенді. Алайда бұл диагноздардың ешқайсысы расталмады.

Жігіттің айтуынша, барлық белгі 32 жасында алған ми шайқалуынан кейін басталғаны. Дегенмен дәрігерлер жарақаттың салдары жоқ, миы қалыпты деген шешімде тұрды. Брэдшоудың айтуынша, интернеттен посттравматикалық гипопитуитаризм туралы мақаланы оқып қалып, өз белгілерінің бұл ауру сипаттамасына толық сай келетінін түсінген.

Оливер күдігін әдеттегі қан талдауы растапты: жекеменшік зертханада жасалған анализ нәтижелері гормондар, соның ішінде тестостерон жетіспейтінін көрсеткен. Осыдан кейін оған гормон алмастыру терапиясы тағайындалып, көп ұзамай өзін әлдеқайда жақсы сезіне бастаған.

"Егер әлгі мақаланы көрмесем, қайтыс болып кетер едім", — деді Оливер.

Instagram парақшамызға жазылып, ең қызықты ақпараттарды бірінші болып оқыңыз!