Атырау облысында зейнеткерге шабуыл жасаған күдікті ұсталды, — деп хабарлайды Massaget.kz тілшісі.

27 қазанда Жылыой аудандық полиция бөліміне Қосшағыл ауылының тұрғынынан шабуыл жөнінде хабарлама түскен.

"Белгісіз әйел үйге кіріп, 62 жастағы үй иесіне өткір иісті сұйықтық шашқан. Содан кейін зергерлік бұйымдарды ұрлап, оқиға орнынан жасырынған", — деді Атырау облыстық ПД өкілі.

Жедел іздестіру шаралары нәтижесінде полицейлер 55 жастағы күдіктіні ұстаған.

"Ол полиция бөліміне жеткізіліп, уақытша ұстау изоляторына қамалды. Жәбірленушіге медициналық көмек көрсетілгеннен кейін үйіне жіберілді, оның өмірі мен денсаулығына қауіп төніп тұрған жоқ. Бұл дерек бойынша соталды тергеу жүргізіліп жатыр", — деді полиция.

Аптаның басты оқиғалары мен пайдалы видеоларды көру үшін YouTube арнамызға жазылыңыз