Ұлыбритания үкіметі иммиграциялық тәртіпті қатаңдатпақ. Енді шетелдіктерге тұманды Альбионда жұмыс табу және білім алу бұрынғыдай оңай болмайды. Тұрақты өмір сүру және азаматтық алу да қиындай түседі. Өйткені сайлаушылар иммигранттарды азайту керек деп талап қоюда.

Марина Бекенова, тілші:

Еңбек нарығы сырттан келген ортаңқол мамандармен толған соң Брексит референдумы өткен болатын. Бірақ тұманды Альбион Еуропалық Одақ құрамынан шықса да, заңды көші-қон мәселесі шешімін таппады.

Сайлаушылардың қаһарынан қорыққан жаңа биліктің иммиграциялық саясатты қатаңдатудан басқа амалы қалмады. Алдағы уақытта Ұлыбританияда жұмыс істеп, оқу оқуға және отбасын құруды көздеп келгісі келетіндерге талап күшейтіледі.

Кир Стармер, Ұлыбританияның премьер-министрі:

Ағылшын тіл білімі бірге еріп келген отбасы мүшелерінен де талап етіледі. Тұрақты өмір сүру статусын алу үшін бұрынғыдай 5 жыл емес, 10 жыл қажет болады.

Кәсіподақтар мен қайырымдылық ұйымдарынан маза қашты. Олар шетелдік мамандар азайса, онсыз да мәз емес денсаулық сақтау жүйесіндегі кадр тапшылығы ушыға түседі дейді.

Мэдлен Сампшен, Оксфорд университеті сараптамалық орталығының басшысы:

Қарттар үйі мен науқастарға күтім жасау орталықтарындағы жұмыс ауыр, жалақы аз. Жергілікті халық ол мекемелерде еңбек еткісі келмейді.

Бұған дейін енгізілген шектеулер өз нәтижесін бере бастағандай. Ұлттық статистика басқармасының мәліметінше, 2024 жылы таза көші-қон оның алдыңғы жылымен салыстырғанда шамамен 50 пайызға қысқарған. Басты себептердің бірі — қазір оқуға келген студенттерге отбасы мүшелерін ертіп келуге рұқсат бермей қойды.

Марина Бекенова