АҚШ-та енді туды қорлағандар жауапкершілікке тартылады.

Тиісті жарлыққа Президент Дональд Трамп қол қойды. Ақ үй қожайыны байрақты өртегендерді бір жылға соттауды ұсынды. Алайда азаматтардың мұндай әрекеті өзінің саяси көзқарасын білдіру болып саналады. Ол тіпті Конституцияда бекітілген. Сондықтан Трамп Бас Прокурорға қылмыстық жауапкершілікке тартудың өзге жолын табуды тапсырды. Бұдан бөлек Трамп Пентагонға «Соғыс министрлігі» деген атауын қайтаруды ойластырып жатқанын мәлімдеді. Сөз арасында АҚШ қорғанып қана қоймай, шабуыл жасағысы да келеді деп мысқылдады. Америкада Қорғаныс министрлігі 1947 жылға дейін «Соғыс министрлігі» деп аталып келген.