Түркияның солтүстік-батысында орман өрті өршіп тұр. Елде 84 ірі өрт ошағы тіркеліп, 3 мың гектар алқап отқа оранды. Әсіресе Измир, Анталья, Биледжик өңірлерінде жағдай қиын.

Қазір тұрғындарды эвакуациялау жүріп жатыр. Әзірге 1700 адам қауіпсіз жерге көшірілді. Өрттің өршу қаупі жоғары. Қызыл жалынды сөндіруге 2 мыңнан астам маман жұмылған. Өрт бірнеше күннен бері өршіп тұр. Осы уақытқа дейін 14 адам көз жұмды. Олардың дені орман қызметкерлері мен құтқарушылар. Табиғи апат себебін мамандар күннің қатты ысуымен байланыстырады. Кей аймақтарда сынап бағанасы плюс 50 градусқа дейін жетеді.