
«Болашақ ойындары» турнирі келер жылы Қазақстанда өтеді
14.07.2025
Келер жылы елімізде «Болашақ ойындары » халықаралық турнирі өтеді.
Оны ұйымдастырудың жай-жапсарын Премьер-министр Олжас Бектенов Фиджитал Интернэншал компаниясының негізін қалаушы, доктор Рене Фазел және ұйымның бас директоры Нис Хаттпен кездесу барысында талқылады. Әлем елдерінде бұл дода физикалық белсенділік пен цифрлық технологияларды біріктіретін перспективалы бағыт саналады. Турнирге дайындық елімізде бекітілген жоспарға сай жүріп жатыр. Федерацияның мәліметінше, бүгінде 1 жарым миллионнан астам қазақстандық киберспортпен белсенді айналысады. «Болашақ ойындары» секілді жоғары технологиялық шараларды Астанада өткізу жастар арасында спорттың жаңа форматтарының танымалдылығын арттыруға ықпал етпек.