Бірнеше жылдан бері қарттар үйінде тұратын павлодарлық қария өмір бойы жиған-тергенін сырқат бала бағып отырған аналарға таратып берді, — деп хабарлайды Massaget.kz тілшісі.

Сағадат Жұмабаев Павлодар қаласындағы қарттар үйінде 13 жылдан бері тұрып келеді. Ол өмір бойы қажылыққа деп жинаған қаржысын сырқат баласы бар аналарға таратып берген.

"Қария 3 600 000 теңгені 30 анаға бөліп, әрқайсына 120 000 теңгеден көмектескен", — деп жазылған хабарламада.

ҚМДБ баспасөз қызметі

Қарияның осындай ізгі ісі жұртты сүйсінтті. Павлодар облысының бас имамы мүфтият атынан берілген қажылық сапарға жолдама сертификатты ақсақалға арнайы табыстады.

Instagram парақшамызға жазылып, ең қызықты ақпараттарды бірінші болып оқыңыз!