
Ақтау қалалық сотының үкімімен ҚК-тің 126 (бас бостандығынан заңсыз айыру) және 128 (адамды қанау) баптары бойынша ауыр қылмыс жасаған үш адам сотталды, — деп хабарлайды Massaget.kz тілшісі .
2023 жылғы қазаннан 2024 жылғы наурызға дейін сотталғандар Ақтау қаласында мүгедектігі бар екі адамды күштеп ұстап, оларды пайда табу мақсатында пайдаланып, қоғамдық орындарда қайыр сұрауға мәжбүрлеген.
"Аяғы жоқ екі жәбірленушіні Қарағанды қаласынан алдап әкеліп, әуелі Семей қаласында қайыр сұрауға мәжбүрлеген, кейін Ақтау қаласына әкеліп, жергілікті базарларда пайдаланған, ал тапқан ақшаларын сотталғандар өздеріне алып тұрған. Осы уақыт бойы жәбірленушілер психологиялық және физикалық зорлық-зомбылыққа ұшыраған. Тек 2024 жылы наурызда олардың бірі полицияға хабарласып, қылмыстық схеманы ашты", — деп жазылған хабарламада.
Сотталушылар — 50 жастағы әйел мен оның екі ұлы. "Отбасылық бизнестің" үш қатысушысы да 7 жылға бас бостандығынан айырылды.
Өзекті жаңалықтарды өз уақытында оқу үшін Facebook парақшамызға жазылыңыз!