Ақтөбе облысының әкімі Асхат Шахаров Астанада өткен брифингте Хромтау әкімі Сағындық Шабықбаев ұсталуына қатысты пікір білдірді, — деп хабарлайды Massaget.kz тілшісі.

Журналист "Хромтау ауданының әкімі Нұрхан Тілеумұратов қоластындағы қызметкер Сағындық Шабықбаевтың кінәсі дәлелденген жағдайда жауапкершілікке тартылуы мүмкін бе" деген сұрақ қойды.

"Иә, қарастырылады. Бұл — заң аясында жүзеге асырылатын рәсімдер. Қылмыстық іс барысында олардың қатысы бар екені дәлелденсе, барлық жауапты тұлға міндетті түрде жауапкершілікке тартылады", — деді әкім.

Асхат Шахаров бұл іс бойынша тергеу әлі жалғасып жатқанын, барлық шара сот үкімі шыққаннан кейін ғана қабылданатынын айтты.

Еске салайық, бұған дейін Хромтау қаласының әкімі Сағындық Шабықбаев қамауға алынғаны хабарланды.

Instagram парақшамызға жазылып, ең қызықты ақпараттарды бірінші болып оқыңыз!