Түркістанда «Тең мүмкіндіктер» атты балалалар арасында инклюзивті спорт фестивалі басталды.

Биыл екінші рет ұйымдастырылған шараға 90 бала, 30 команда қатысып жатыр. Ерекше қажеттілігі бар балалар спорттың бочча, эстафеталық жарыс және жеңіл атлетика түрлері бойынша сынға түсуде. Республика күні мерекесі қарсаңында өтіп жатқан іс-шара «AMANAT» партиясының облыстық филиалы жанындағы Әйелдер қанатының бастамасымен ұйымдастырыды.

Маржан Тәңірберген, оқушы:

- Менің командам үшін және мен үшін бұл жарыс қиын болмады. Өйткені команданы өзім дайындадым, өзім мотивация беріп, алып шықтым. Бұрыннан футболға қатысамын, сол үшін шыдымды, төзімді, мықты қызбын!

Қалыйма Жантөреева, «AMANAT» партиясы облыстық филиалы төрағасының орынбасары:

- Бұл жерде ерекше балалар да, сау балалар да бар. Өздері бір-бірімен ойнай отырып, спортты дамыта отырып, тең қарым-қатынаста. Құқықтарының тең екенін сезінеді. Қоғамдағы белсенділігі арта түседі. Елжандылығы, бауырмалдылығы, ынтымақтастығы артып, бұл достық фестиваліне айналып келе жатыр.