Қазақстанның шығысында бүгін жер сілкінісі тіркелді. "Сейсмологиялык зерттеу институтының" мәліметі бойынша жер сілкінісі 25 мамырда Астана уақытымен 07 сағат 35 минутта тіркелген, деп жазады KAZ.NUR.KZ.

"Қазақстан ТЖМ "Сейсмологиялык зерттеу институты" ЖШС сейсмикалық станциялар желісімен 2025 жылғы 25 мамырда Астана уақытымен 07 сағат 35 мин жер сілкінісі тіркелді.

Жер сілкінісінің ошағы Ресей шекарасында Алматы қаласынан солтүстік-шығысқа қарай 1162 километр жерде орналасқан. Өскемен қаласында 2 балл, Қатон-Қарағай ауданында 2 балл сезілген. Зардап шеккендер мен қираулар туралы мәлімет түскен жоқ", — делінген хабарламада.

Сондай-ақ ТЖМ тұрғындарға жер сілкінісі кезіндегі қадамды еске салды:

"Жер сілкінісі кезіндегі 10 қарапайым қадам:

1. Жер дүмпуі кезінде үрейленбеңіз;

2. Жер сілкіну кезінде лифт және баспалдақпен қолданбаңыз;

3. Жиhаздан, терезеден, ары тұрыңыз;

4. Жасырынатын жерді табыңыз — жоғарғы қабаттарда негізгі іргелі қабырғалардың бұрышында орын алып жасырыңыз;

5. Ғимараттан шығыңыз (төменгі қабаттарда);

- көп қабатты үйлерде жер сілкіс аяқталған соң ғимараттан шығыңыз;

6. Кетер алдында суды, газды, электр қуатын мүмкіндігіңізше өшіріңіз;

7. Дабыл жол сандығын алыңыз (алдын ала дайындау қажет);

8. Электр желілерден , ғимарат, ағаштардан аулақ болыңыз;

9. Жер сілкінуіне дайын болыңыз;

10. Қарт адамдарға, балаларға, мүмкіндігі шектеулі адамдарға көмек көрсетіңіз", — деп жазды ТЖМ Telegram-арнасы.