Талдықорғанда Шерзат Болаттың өліміне қатысты іс бойынша сот отырысында сот-медициналық сарапшы Тахир Хәлімназаров жауап беріп тұрған кезде жер сілкінісі сезілді, деп хабарлайды KAZ.NUR.KZ.

Сот отырысында үзіліс жарияланды.

ТЖМ мәліметінше сүйенсек, "Сейсмологиялык зерттеу институты" ЖШС сейсмикалық станциялар желісі 2025 жылғы 23 мамырда Астана уақытымен 16 сағат 01 мин жер сілкінісін тіркеді.

"Жер сілкінісінің ошағы Қазақстан аумағында, Талдықорған қаласынан солтүстікке қарай 12 шақырым жерде орналасқан", — деп хабарлады ведомство өкілдері.

ТЖМ Сейсмологиялық зерттеу институтының ақпараты бойынша жер сілкінісі сезулуі туралы мәліметтер төмендегідей:

Талдықорған қаласы — 4.0 б.

Балпық-Би ауылы — 4.0 б.

Қарабұлақ кенті — 3.0 б.

Үштөбе қаласы — 3.0 б.

Текели қаласы — 2.0 б.

Сарыөзек ауылы. — 2.0 б.

Зардап шеккендер мен қирау туралы мәліметтер анықталып жатыр.