Бұл мақсатқа қазынадан 264,4 миллион теңге қарастырылған.

Биыл облыста қала сыртында 12 лагерь істейді, оның ішінде 9-ы мемлекеттік және 3-уі жекеменшік. Аталған орындарында 8000-нан аса баланың демалысы жоспарланған, деп хабарлайды inbusiness.kz сайты облыстық білім басқармасына сілтеме жасап.

Әулиекөл ауданында бір ауысым ішінде 150 баланы қабылдайтын "Балдәурен" жаңа лагері екінші жыл істейтін болады.

"Қазіргі уақытта барлық лагерьде дайындық жұмыстары, аумақты тазарту, қауіпсіздік бойынша стандарттарды орындау жұмыстары жүріп жатыр. Білім басқармасының мониторинг тобы лагерьлерді аралап, тексеріп жатыр. ТЖД мен санитариялық бақылау органдарының рұқсатынан кейін лагерьлерді қабылдау жүргізіледі. 1 маусымның ашылуы 9-18 маусым аралығында жоспарланған. Жазғы лагерьлердің жұмысына 4 мыңнан аса педагог жұмылдырылмақ. Жолдаманың орташа құны – 55 мың теңге", — делінген облыстық білім басқармасы таратқан хабарламада.

Облыстың интернат ұйымдарының тәрбиеленушілері меншікті демалыс базаларында демалады. Бұл 3 лагерь: Бәкіров атындағы демалыс базасы, "Лесная сказка" және "Алтынгүл". Алдымен әлеуметтік осал санатына жататын балалардың демалысына мән берілмек. Бұған жаппай оқыту қорынан шамамен 167 миллион теңге бөлу жоспарланған.

Биыл ауылдағы балалар үшін "Қазақстан халқына" қайырымдылық қорының "QH Жаздық жолдама" жобасы жалғаады. Оның аясында 246 бала облыстағы қала сыртындағы лагерьлерде демалып, денсаулығын жақсартуға мүмкіндік алады.

"Хатико" оңалту орталығы негізінде мемлекеттік әлеуметтік тапсырыс шеңберінде жалпы сомасы 54,1 миллион теңгеге облыстың 13 өңірінен ерекше білім алуға қажеттілігі бар 359 бала демалады.

Сондай-ақ, 37 мыңнан аса оқушысы бар Қостанай қаласының өзінде балаларға арналған лагерь жоқ. Сондықтан биыл 182 бала Көкшетау қаласындағы "Чайка" лагеріне жіберіледі. Оған 23 миллион теңге бөлінген. Жолдаманың орташа құны – 125 мың теңге.

Демалыстың екінші маусымынан бастап облыстың барлық білім беру ұйымында жалпы 1-10 сыныптың 98 мыңға жуық оқушысын немесе оқушылардың 91% қамти отырып, мектептердің жанынан 773 тегін лагерь істейтін болады. 105 мыңнан аса бала еңбекпен, туристік, шығармашылық және зияткерлік еңбек түрлерімен қамтылаы деп күтіледі.