2025 жылғы 30 мамырда еліміздің барлық ірі қалалары мен елдімекендерінде бір мезгілде "Халық заңгері" жалпыреспубликалық акциясы басталды. Мұнда барша құқықтық консультацияларды, сондай-ақ мемлекеттік органдарға сауалы барлар тегін жауап ала алады, деп хабарлайды Zakon.kz.

Биылғы жылы құқықтық мәдениетті, мемлекеттік институттарға деген сенімді арттыру және құқық бұзушылықтар мен сыбайлас жемқорлыққа төзбеушілікті қалыптастыру үшін қоғамдағы "Заң және тәртіп" идеологиясын ілгерілетуге ерекше назар аударылды.

"Халық заңгері" бірегей жалпыреспубликалық акциясы Үкіметтің қолдауымен өткізіледі.

Азаматтардың сұрақтарына Мемлекеттік кірістер комитетінің, Қаржы мониторингі агенттігінің, Сыбайлас жемқорлыққа қарсы іс-қимыл агенттігінің, Бас прокуратураның, Ішкі істер министрлігінің, Қорғаныс министрлігінің өкілдері, қалалық және аудандық әкімдіктердің, полиция қызметкерлері, сот орындаушылары және, әрине қазақстандық танымал заңгерлер, нотариустар, медиаторлар және т. б. жауап береді.

Ұйымдастырушылар: ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz желілік басылымы, "Параграф" ақпараттық жүйесі, Prosud.kz желілік басылымы, Республикалық адвокаттар алқасы, мемлекеттік билік органдары, Қазақстанның үздік заңгерлері мен адвокаттары.

"Бүгін мемлекеттік органдар, құқықтың барлық саласы бойынша заңгерлер, адвокаттар жиналды. Кез келген азамат еліміздің мықты адвокаттары мен заңгерлерінің жоғары білікті заң көмегіне тегін жүгіне алады. Сондай-ақ мемлекеттік билік органдары азаматтарды қабылдайтын болады. Бұл күні біз бәріміз халыққа көмектесу үшін бірігеміз", — деді "ЮрИнфо" компаниясы" ЖШС-ның Бас директоры Михаил Коломин.

2016-2024 жылдар аралығында "Халық заңгеріне" 10 000-нан астам үздік сарапшылар мен мемлекеттік органдардың өкілдері қатысты. Құқықтық көмекке жүгінген 300 000-нан астам қазақстандық кеңес алды. Бастапқыда іс-шараға тек заңгерлер қатысты, бірақ уақыт өте келе тұжырымдаманы мемлекеттік органдар мен сарапшылар қауымдастығы да қолдады.

Бұл — азаматтық қоғамды дамытуға, заң көмегін көрсетуге және қазақстандықтардың құқықтық сауаттылығын арттыруға қосылған үлес.

Республикалық маңызы бар қалаларда мамандардан келесі мекенжайлар бойынша кеңес алуға болады:

Астана

әл-Фараби атындағы Оқушылар сарайы: Бауыржан Момышұлы даңғылы, 5

Алматы

Caspian University (Каспий университеті): Достық даңғылы, 85а

Кіру тегін.

Қазақстанның әр өңірінде консультациялар өткізу уақыты мен мекен-жайлардың толық тізімімен мына арадан таныса аласыздар.