Заңгер Айгүл Орынбек өзін айыптағандарға жауап берді.

Бұл туралы ол Facebook желісіндегі парақшасында жазды, — деп хабарлайды Caravan.kz медиа порталы.

«Сыртқа шығып, аздап тынығып, ем алып келемін дегенім сол еді — бұл жақта біразың Айгүл Орынбектанушы болып кетіпсіңдер ғой!

Өзім де білмей жүрген “қасиетімді” сендер ашып, маған өзімді қайта танытып жатырсыңдар.

Мына қарқынмен ескерткіш қойып, көше беріп жіберулерің ғана қалыпты…

Қытайдың интернеті құрғыр дұрыс ұстамай қойды — сондықтан жазғандарыңды шәйі ішіп отырып, рахаттанып оқи алмадым.

Ал сендер менің атымды күні-түні шайнап, бар бәлені маған жауып, өздеріңше “әшкерелеп” әлек болдыңдар.

Жарайды, жалғастыра беріңдер.

«Ұлы Айгүл» туралы сериал әлі бітпеген сияқты ғой.

Бірақ бәріңе ескерту — басты кейіпкер мен екенімді ұмытпаңдар!

Сендердің режиссёрлерің кім екенін мен жақсы білем…

Ал менің фильмімнің режиссёрі де, сценарисі де — өзім», — деп жазды заңгер.