Алматы облысының құтқарушылары балаларға төтенше жағдай кезіндегі қауіпсіздік шараларын үйретті, деп хабарлайды 24KZ. Алғашқы медициналық көмек көрсету тәсілдері туралы айтты.

Қалалық жағажайда өткен жиынға мектеп оқушылары қатысты. Олар «Құтқарушылар балалардың көзімен» атты сурет байқауында бақ сынады. Қызметтік иттердің қатысуымен өткен көріністі тамашалады. Арнайы техникалар көрмесіне қойылған құрал-жабдықтармен танысты. Құтқарушылардың айтуынша, мұндай шаралар қауіпсіздік мәдениетін арттырып, балалардың қатысуымен болатын оқыс оқиғалардың алдын алуға көмектеседі.

Салтанат Мұратова, оқушы:

- Өрт сөндіру бөлімінде болдық. Қалай өртті сөндіретінін көрсетті. Өте жақсы шара деп санаймын. Оқушыларға ол қажетті деп ойлаймын. Оқушыларға өте қызық және танымды болды деп ойлаймын. Көп рақмет.