Дастан Сәтпаев негізгі құрамда өнер көрсетеді.

Алдымен құрамамыз 5 маусымда Минскте Беларусьпен жолдастық матч өткізсе, ал 9 маусымда 2026 жылғы әлем чемпионатының іріктеу кезеңі аясында Солтүстік Македонияға қарсы "Астана Аренада" ойнайды. Осы орайда Қазақстан ұлттық құрамасының бас бапкері Әли Әлиев алдағы ойындарға шақырту алған ойыншылардың нақты тізімін жариялады.

Құрамға 27 ойыншы енді.

Қақпашылар: Мұхаммеджан Сейсен ("Астана"), Александр Заруцкий ("Қайрат"), Стас Покатилов ("Сабах", Әзербайжан), Бекхан Шайзада ("Ордабасы");

Қорғаушылар: Әлібек Қасым ("Ақтөбе"), Ян Вороговский, Марат Быстров (екеуі де – "Астана"), Нұралы Әліп ("Зенит", Ресей), Роман Асранкулов, Александр Зуев, Наурызбек Жагоров (бәрі – "Тобыл"), Еркін Тапалов ("Қайрат"), Сергей Малый, Сұлтанбек Астанов (екеуі де – "Ордабасы"), Әділбек Жұмаханов ("Елімай");

Жартылай қорғаушылар: Асхат Тағыберген, Ислам Чесноков (екеуі де – "Тобыл"), Серікжан Мужиков ("Елімай"), Ғалымжан Кенжебек ("Кошице", Словакия), Дәурен Жұмат ("Оқжетпес"), Исламбек Қуат ("Жеңіс"), Георгий Жуков ("Пуща", Польша), Муроджон Халматов ("Ордабасы");

Шабуылшылар: Максим Самородов ("Ахмат", Ресей), Айбар Жақсылықов ("Қайсар"), Дастан Сәтпаев ("Қайрат"), Алияр Мұхамед ("Оқжетпес").

Айта кетейік, бұл тізімге түркиялық клубта өнер көрсететін Абат Айымбетов енбей қалды. Футболшы отбасылық жағдайына байланысты құрамаға алдағы матчтарда көмектесе алмайды. Бұл туралы ұлттық құраманың бас бапкері Әли Әлиев былай дейді:

"Біз онымен хабарластық – отбасылық жағдайына байланысты өзі ұлттық құрамаға шақырмауды өтінді. Чемпионаттағы соңғы матчынан кейін ол үйіне оралады. Жағдай расымен де өте маңызды. Біз оған түсіністікпен қарадық. Қазір ол жақындарының жанында болуы қажет", — деді Әлиев.

Оқу-жаттығу жиыны 31 мамырда Астанада басталады.