Синоптиктер 2025 жылы 29 мамырда еліміздің 17 өңірінде қолайсыз ауа райына байланысты дауылды ескерту жариялады. Оған сәйкес, кейбір өңірлерде, күн райы бұзылып, түнде үсік жүрсе, ал керісінше кей өңірде жоғары және төтенше өрт қаупі болжанады, деп хабарлайды Zakon.kz.
Түркістан облысының оңтүстігінде, таулы аудандарында найзағай ойнап, бұршақ түседі. Облыстың батысында, солтүстігінде шаңды дауыл тұрады. Облыстың солтүстігінде, оңтүстігінде, батысында, таулы аудандарында солтүстік-шығыстан оңтүстік-батысқа ойыса соққан желдің екпіні 15-20 м/с құрайды. Облыстың оңтүстігінде жоғары өрт қаупі, солтүстігінде, шөлейтті және тау бөктерлі аудандарында төтенше өрт қаупі сақталады. Шымкентте күндіз найзағай ойнап, солтүстік-шығыстан оңтүстік-батысқа ойыса жел соғады, екпіні — 15-20 м/с. Төтенше өрт қаупі сақталады. Түркістанда кей уақыттарда шаңды дауыл тұрады, солтүстік-шығыстан оңтүстік-батысқа ойыса соққан желдің екпіні 15-20 м/с болады деп күтіледі.
Жамбыл облысының таулы аудандарында найзағай ойнап, облыстың солтүстігінде, оңтүстігінде шаңды дауыл тұрады деп күтіледі. Облыстың оңтүстік-батысында, солтүстік-шығысында, таулы аудандарында солтүстік-шығыстан жел соғады, екпіні — 15-20 м/с. Облыстың солтүстігінде, оңтүстігінде жоғары өрт қаупі, облыстың батысында, шығысында төтенше өрт қаупі сақталады. Таразда солтүстік-шығыстан жел соғады, күндізгі екпіні 15-20 м/с құрайды.
Күндіз Алматы облысының солтүстігінде солтүстік-шығыстан, шығыстан соққан желдің екпіні 15-20 м/с болады деп күтіледі.
Күндіз Ақмола облысының солтүстігінде, шығысында, оңтүстігінде найзағай ойнап, оңтүстік-батыстан солтүстік-шығысқа ойыса соққан желдің екпіні 15-20 м/с құрайды.
Маңғыстау облысының батысында жоғары өрт қаупі сақталады. Ақтауда да жоғары өрт қаупі сақталады.
Күндіз Ақтөбе облысының оңтүстігінде, шығысында солтүстік-шығыстан, шығыстан соққан желдің екпіні 15-18 м/с құрайды. Облыстың оңтүстігінде, солтүстігінде жоғары өрт қаупі, облыстың оңтүстік-шығысында, батысында төтенше өрт қаупі сақталады. Ақтөбеде жоғары өрт қаупі күтіледі.
Күндіз Атырау облысының батысында, оңтүстігінде шаңды дауыл тұрады. Күндіз облыстың батысында, оңтүстігінде шығыстан, оңтүстік-шығыстан жел соғады, екпіні — 15-20 м/с. Күндіз облыс бойынша қатты ыстық болады деп күтіледі: + 35 градус. Облыс бойынша жоғары өрт қаупі күтіледі, өңірдің оңтүстігінде, батысында төтенше өрт қаупі сақталады. Атырауда күндіз қатты ыстық болады: + 35 градус. Төтенше өрт қаупі сақталады.
Қызылорда облысының солтүстігінде, орталығында шаңды дауыл күтіледі. Жел солтүстік-шығыстан, шығыстан соғады, күші түнде облыстың солтүстігінде, орталығында 15-20 м/с, күндіз 15-20 м/с күтіледі. Төтенше өрт қауіпі, облыстың орталығында, солтүстігінде жоғары өрт қауіпі сақталады. Қызылорда қ.: 29 мамырда күндіз шаңды дауыл күтіледі. Жел солтүстік-шығыстан соғады, күші күндіз 15-20 м/с күтіледі. Төтенше өрт қауіпі сақталады.
Солтүстік Қазақстан облысының солтүстігінде, шығысында, оңтүстігінде найзағай ойнайды, күндіз облыстың солтүстігінде, шығысында, оңтүстігінде солтүстік-батыстан жел соғады, екпіні — 15-20 м/с. Петропавлда найзағай ойнап, солтүстік-батыстан жел соғады, күндізгі екпіні — 15-20 м/с.
Түнде Шығыс Қазақстан облысының солтүстігінде, шығысында жауын-шашын (жаңбыр, қар) күтіледі. Түнде және таңертең облыстың солтүстігінде, шығысында тұман күтіледі. Жел солтүстік-шығыстан соғады, күндіз облыстың шығысында, оңтүстігінде 15-18 м/с. Түнде облыстың солтүстігінде, шығысында 2 градус үсік күтіледі.
Түнде және таңертең Абай облысының солтүстігінде, шығысында тұман түседі, облыстың оңтүстігінде, орталығында солтүстік-шығыстан жел соғады, екпіні — 15-18 м/с. Түнде облыстың шығысында, оңтүстігінде 2 градус суық болып, үсік жүреді деп күтіледі. Облыстың оңтүстігінде төтенше өрт қаупі сақталады.
Жетісу облысының солтүстігінде, шығысында, орталығында солтүстік-шығыстан жел соғады, екпіні — 15-20 м/с. Облыстың шығысында жоғары өрт қаупі, облыстың оңтүстік-шығысында төтенше өрт қаупі сақталады.
Күндіз Батыс Қазақстан облысының батысында, оңтүстігінде шығыстан, солтүстік-шығыстан жел соғады, күндізгі екпіні — 15-20 м/с. Облыстың оңтүстігінде, шығысында жоғары өрт қаупі сақталады, солтүстігінде, орталығында жоғары өрт қаупі күтіледі.
Таңертең және күндіз Қарағанды облысының батысында, оңтүстігінде солтүстік-шығыстан соққан желдің екпіні 15-18 м/с құрайды.
Ұлытау облысында солтүстік-шығыстан жел соғады, таңертең және күндіз облыстың батысында, солтүстігінде, орталығында соққан желдің екпіні 15-20 м/с болады деп күтіледі. Облыстың оңтүстігінде төтенше өрт қаупі сақталады. Жезқазғанда 29 мамырда солтүстік-шығыстан жел соғады, күндізгі екпіні — 15-20 м/с.
Павлодар облысының шығысында, орталығында жоғары өрт қаупі сақталады, облыстың оңтүстік-шығысында төтенше өрт қаупі сақталады. Павлодарда 29 мамырда жоғары өрт қаупі сақталады.
29 мамырда Қостанай облысының оңтүстігінде төтенше өрт қаупі сақталды.
Алдағы бейсенбіде, 2025 жылы 29 мамырда найзағай ойнап, тұман түседі, үсік жүреді, ал кейбір өңірлерде, керісінше жоғары және төтенше өрт қаупі болатыны болжанады.
