«Жас Алаш» газетінің редакторы Алмас Нүсіп әлеуметтік желіге жазба жариялап, қызметтен кеткенін хабарлады.

– Үш жылға жуық (2 жыл 8 ай) уақыт «Жас Алаштағы» директор-бас редакторлық қызметім бүгінмен тәмам.

Барынша адал жұмыс істеуге тырыстым, жақсы газет шығаруға тырыстым. Өзге платформалар ашып, дамытуға тырыстым. Күндердің күнінде «қағазынан басқа түгі жоқ екен» демейтіндей деңгейге жетсе дедім. Қателіктер, сәтсіздіктер болған шығар, бәрін айтып, есеп беріп, ұжымның алдынан өтіп, алғыс айтып шыққан бетім осы.

«Барша ұжымға сәттілік тілеймін. Қыз-жігіттердің бәрі өзіміз құраған команда, осы уақыт ішінде әріптестерімнің ешқайсысымен әй деспей, шәй деспей жұмыс істедік. Қимай-қимай қоштасқан сияқтымыз.

«Жас Алаштың» ендігі бас редакторы өздеріңіз жақсы танитын журналист – Ерік Рахым. Газеттің байырғы қызметкері, шын жанкүйері ғой, редакцияны жарқырата түсетініне күмәнім жоқ. Бар ісіне тілекшімін!, – деді ол жазбасында.