24 қарашадан бастап несие алу қиындайды .

2025 жылғы 7 қарашада Қаржы нарығын реттеу және дамыту агенттігі Банктер мен бейрезидент-банктер филиалдарына арналған тәуекелдерді басқару қағидаларына өзгерістер енгізетін №70 қаулыны қабылдады.

Жаңа құжатта кейінгі 12 айда 90 күннен аса мерзімі өткен берешегі бар азаматтар үшін борыш жүктемесі коэффициенті (БЖК) 0,5-тен 0,25-ке дейін төмендетіледі. Агенттік мұндай шектеу қарыз алушылардың қайтадан шамадан тыс міндеттеме алуын тоқтатып, қайталама дефолт қаупін азайтуға бағытталғанын атап өтті.

Сонымен қатар кепілсіз тұтынушылық кредит беру келесі жағдайларда шектеледі:

• банктік қарыздар бойынша 30 күннен астам, микрокредиттер бойынша 1 күннен астам төлем мерзімі өткен болса;
• 2025 жылғы 1 шілдеден бастап соңғы 36 айда негізгі қарыз немесе сыйақы толық кешірілген болса;
• кейінгі 12 айда жүргізілген қайта құрылымдау қарыз алушының төлем қабілетін жақсартуға әсер етпесе.

Жаңа талаптар 2025 жылғы 24 қарашадан бастап күшіне енеді.

Оқи отырыңыз: Енді қарызы бар азаматтарды әуежай мен вокзалдағы камералар да таниды