Бір айда самокатты тұраққа қою ережесі 1235 рет бұзылған.

JET кикшеринг операторы самокатты қолдану тәртібін бұзғандарға айыппұл салу науқанының бесінші айының қорытындысын шығарды.

13 қазан пен 13 қараша аралығын қамтыған бұл кезеңде тәртіп 2258 рет бұзылған. Бұл көрсеткіш өткен кезеңмен салыстырғанда тәртіп бұзулардың саны үш есеге жуық қысқарғанын білдіреді. Бірақ, күннің суытуына байланысты самокат қолданушылардың да саны қысқарғанын ескеру керек.

Самокат қолданушылар бұл транспорт түрін тұрағына қою талабын сақтамайды. Соңғы айда бұл талап 1235 рет бұзылған. Кейінгі орында бір самокатқа бір не одан да көп жолаушыны мінгестіретінде (850) тұр. Сондай-ақ, кәмелетке толмағандардың да самокат тізгіндеу әрекеті (144) тіркелген, олардың аккаунттары дереу бұғатталған. Бұған қоса, самокатқа зақым келтірудің 29 оқиғасы тіркелген.

"Тәртіп бұзу көрсеткішінің төмендегеніне қарамастан, біз оларды бұрынғы режимде бақылап, тіркеуді жалғастырамыз. Біздің мақсатымыз айыппұлды көбейту емес, самокатты қауіпсіз қолдану мәдениетін арттыру", – деді JET басшысы Мусалав Алибеков.

Еске салайық, кикшеринг операторы айыппұл жүйесін биылғы 13 маусымнан бастап енгізген болатын.

Оқи отырыңыз:

• Jet сағатына 80 шақырымға жуық жылдамдықпен жүрген электр самокатшыларға қатысты мәлімдеме жасады
• JET Алматыда жүргіншілерді қағып кеткен самокат қолданушыға айыппұл салып, оны бұғаттады