Transfermarkt порталы қазақ вундеркиндінің трансфер құнына өзгеріс енгізді.

Бұған дейін бағасы 1,2 млн еуроны құрайтын Дастанның қазірде 3 млн еуроға дейін құны өсті. Осылайша қазақстандық ойыншылар арасында ең қымбаты атанды. Естеріңізде болса, осы уақытқа дейін ел құрамасының бағалы футболшысы ретінде Бақтиер Зайнутдинов танылып келген еді (2,8 млн). Енді міне уақыт өте өзін жан-жақты танытып жатқан Сәтпаев Бақтиерден 200 мың еуроға қымбат болды.

Келесі жылы 18 жасқа толған соң, Сәтпаев лондондық “Челсимен” келісім шартқа отырады. Тұманды альбион клубына ауысқан кезде де Дастанның трансфер құны бірнеше миллионға өседі.

Айта кетейік, “Челсидегі” ең арзан деген қақпашы Габриэл Слонинаның өзінің бағасы 4 млн еуроға жуықтап қалады. Ақсүйектерге ауыспай тұрып, оның да трансфер құны 2-2,5 млн еуроны құраған.