АҚШ-тың Мемлекеттік хатшысы Қазақстанға келеді.

Сапар келер жылға жоспарланып отыр. Бұл туралы Марко Рубио Қазақстан, Өзбекстан, Қырғызстан, Тәжікстан және Түрікменстан Сыртқы Істер министрлерімен кездесуінде мәлім етті. Сондай-ақ Құрама Штаттардың бас дипломаты Орталық Азияның өзге 4 елін де араламақ. Американың Мемлекеттік хатшысы «Вашингтон аймақтың кейінгі 10 жылда қарқыны бәсеңдеген қатынасты күшейтуге ниетті» деп атап өтті.

Марко Рубио, АҚШ-тың Мемлекеттік хатшысы:

- Өткен аптада АҚШ-тың арнайы өкілі Серджио Гор мен Мемлекеттік Хатшының орынбасары Кристофер Ландау Орталық Азия елдеріне барып қайтты. Сол үшін алғыс айтқым келеді. Олар маңызды кездесулер өткізді. Енді өзім келесі жылы баруды жоспарлап отырмын. Бес елді де аралаймын. Сапар бір аптаға немесе одан да көп уақытқа созылуы мүмкін.