Nvidia құны $5 трлн-нан асқан әлемдегі алғашқы компания атанды
30.10.2025
Америкалық Nvidia компаниясы нарықтық құны 5 трлн доллардан асқан әлемдегі алғашқы компания атанды. Мамандар өсімді Дональд Трамп пен Си Цзиньпиннің Оңтүстік Кореяда өтетін кездесуімен байланыстырады.
Графикалық процессор өндіруші компанияның нарықтағы құны кейінгі төрт жылда тоғыз есеге артқан. Бұған жасанды интеллекттің дамуы мен микрочиптердің көбеюі әсер етті. Алғашқы үштікке Apple мен Microsoft компаниялары да енді. Олардың құны 4 трлн доллар шамасында.
