Алматыда тағы бір самокатшы жаяу жүргіншіні қағып кетті. Жол-көлік оқиғасы салдарынан қала тұрғыны жарақат алды, деп хабарлайды Zakon.kz.

Оқиға 2025 жылғы 26 мамырда Алтынсарин көшесі мен Абай даңғылының қиылысында болған. Бұл туралы ақпарат әлеуметтік желілерде жарияланған.

Біз түсінік алу үшін қалалық полиция департаментіне жүгіндік.

"Әуезов аудандық полиция басқармасына самокат қатысқан жол-көлік оқиғасы туралы хабарлама келіп түсті. Белгісіз қыз самокатпен жүріп, Алтынсарин мен Абай қиылысында әйел адамды қағып, оқиға орнынан бой тасалаған. Жарақат алған 55 жастағы қала тұрғыны қалалық ауруханаға қол жарақатымен жеткізілді. Аталған дерек бойынша тергеу басталды”, — делінген Алматы полиция департаменті баспасөз қызметі таратқан хабарламада.

Қазіргі уақытта полиция қызметкерлері самокат жүргізушісінің жеке басын анықтап, оқиғаның барлық мән-жайын тексеруге бағытталған жедел-іздестіру іс-шараларын жүргізіп жатыр.

"Жол-көлік оқиғасы орнынан қашып кету, соның ішінде самокатпен де, – заң бұзушылық болып саналады және қолданыстағы заңнамаға сәйкес жауапкершілікке әкеп соғады. Жауапкершіліктен жалтармау қағидаты біз үшін басты басымдық болып қала береді. Тексеру нәтижесі бойынша кінәлі адамның әрекетіне құқықтық баға беріледі", — деп толықтырды полиция.

Ал Алматы қоғамдық денсаулық сақтау басқармасы зардап шеккен әйелді №7 қалалық клиникалық аурухананың қабылдау бөліміне жедел жәрдем бригадасы жеткізгенін хабарлады.

"Алғашқы тексеруден кейін қажетті диагностикалық шаралар – рентген, УДЗ, жарақат орнын жансыздандыру және блокада жүргізілді. Тексеру нәтижесінде диагноз қойылды: оң қолдың білек сүйегінің және шынтақ сүйегі шиловидті өсіндісінің жабық сынықты, көп бөлікті сынуы. Мамандар сүйек сынықтарын жабық түрде қалпына келтіріп, гипс лонгет салды", — делінген басқарма хабарламасында.

Жедел ауруханаға жатқызуға көрсеткіштер болмағандықтан, жарақат алған әйел тұрғылықты мекенжайы бойынша емханада хирург пен травматологтың амбулаториялық бақылауына жіберілді.