Ведомствоның түсіндіруінше , жоба аясында оқу кеңістігі заманауи стандарттарға сай жаңартылады.

Әлеуметтік желілерде Алматыдағы №56 мектеп-гимназия ғимараты сүріліп жатыр деген ақпарат тарады, деп хабарлайды inbusiness.kz сайты.

Алайда Алматы қалалық құрылыс басқармасы бұл мәліметтің шындыққа жанаспайтынын мәлімдеді.

"Мектеп ғимараты сүрілмейді. Қазір мұнда сейсмикалық күшейту және күрделі жөндеу жұмыстары жүргізіліп жатыр. Барлық нысандар сақталады, ғимараттың тарихи қасбеті бұзылмайды", – деді басқарма өкілдері.

Негізгі және бейіндік пәндерге арналған зертханалар мен кабинеттер толық қайта жабдықталады. Физика, химия және биология сыныптары жаңа зертханалық құрал-жабдықтармен қамтамасыз етіледі.

Сонымен қатар көпфункционалды спорт кешені салынып, мектеп аумағында ашық спорт алаңдары мен демалыс аймақтары пайда болады.

"Жобаға заманауи асхана, кітапхана, оқу залдары және мультимедиялық үйірме бөлмелері кіреді. Құрылыс-монтаждау жұмыстары 2026 жылдың сәуірінде аяқталады деп жоспарланған. Бас мердігер – “Астана-Стройинвест” корпорациясы ЖШС", – делінген әкімдік хабарламасында.