Оқиға Kenwood жоғары мектебінің алдында болған.

АҚШ-тың Балтимор округінде жасанды интеллект жүйесі мектеп оқушысының қолындағы Doritos чипсы салынған пакетті қару деп қателесіп, полицияға хабар берген, деп хабарлайды inbusiness.kz сайты The Guardian басылымына сілтеме жасап.

Таки Аллен есімді оқушы достарымен отырып, жеңіл тамақтанып отырған сәтте, полиция қызметкерлері мылтық кезеніп келіп, оны жерге жатқызған. Тәртіп сақшылары жасөспірімнің қолына кісен салып, тінту жүргізгенімен, ешқандай қару таппаған.

Кейін полицейлер оқушыға жасанды интеллект түсіріп, күдік тудырған суретті көрсеткен. Онда Алленнің қолындағы Doritos пакеті қаруға ұқсап көрінген.

Балтимор округінің мектептерінде былтыр орнатылған AI қару анықтау жүйесі бейнебақылау арқылы күмәнді нысандарды анықтап, полицияға хабар жібереді.

Мектеп әкімшілігі оқиғаға байланысты ата-аналар мен оқушыларға хат жолдап, бұл жағдайдың балаларға психологиялық әсер еткенін мойындады және оларға кеңесшілер тарапынан көмек көрсетілетінін мәлімдеді.