Қасым-Жомарт Тоқаев Әзербайжан Президентімен өткен келіссөзде кең көлемдегі мәселелер талқыланып, сан қырлы ықпалдастықтың басым бағыттары белгіленгенін мәлімдеді.

Мемлекет басшысы Жоғары мемлекетаралық кеңес отырысы жемісті өтті деп бағалап, бірқатар маңызды құжатқа қол қойылғанын жеткізді. Бұл туралы брифингте айтылды. Келіссөз кезінде қос ел Үкіметтеріне қысқа мерзім ішінде Өнеркәсіп саласындағы ынтымақтастықты дамытудың жоспарын қабылдау тапсырылған. Президенттер екі жақты тауар айналымын жақын арада бір миллиард долларға жеткізу үшін қажетті шаралар қабылдауға уағдаласты. Одан бөлек, Қазақстан-Әзербайжан тікелей инвестиция қорының қызметін жандандыру келісілді.