Қазіргі уақытта мемлекеттік ақпараттық жүйелерді бір-бірімен интеграциялау мәселесі пысықталып жатыр.

Жасанды интеллект және цифрлық даму министрі Жаслан Мәдиев мәжіліс депутаттарының сауалына орай, Қазақстандағы электронды құжаттар мәселесіне қатысты жауап берді.

Оның айтуынша, электронды құжаттар толық қорғалған. Бірақ, бұл ретте электронды құжаттың ПДФ түріндегі файл емес, ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған құжат екенін ескеру керек.

"Криптографиялық алгоритмдер мен мемлекеттік дерекқорлардан алынған деректерді пайдалана отырып қалыптастырылған ЭЦҚ қолданылуы азаматтардың цифрлық идентификациясын сақтауға, сондай-ақ қолтаңбаның сенімді және тәуелсіз тексеру мүмкіндігіне кепілдік береді. Мемлекеттік және мемлекеттік емес ақпараттық жүйелер электрондық құжатты алған кезде, қол қойған тараптың тіркеу куәлігін қамтитын жағдайда, құжаттың заңдылығын растау үшін ЭЦҚ түпнұсқалығын тексеру функционалын іске асырады", – деді Жаслан Мәдиев.

Министрдің айтуынша, жалған құжаттар әдетте ЭЦҚ куәландырылған электрондық құжатты өзгертумен емес, оның мәтіндік бөлігін қағаз тасығышқа шығару кезінде немесе қорғалған ақпараттық жүйеден тыс PDF форматында сақтау кезінде өзгеруімен байланысты болады.

"Құжатты pdf форматында қалыптастыру кезінде көптеген жүйелер штрих-кодты немесе QR-кодты қамтиды, ол арқылы электрондық құжаттың түпнұсқалығын тексеруге болады", – деді министр.

Сондай-ақ, ол электрондық құжаттардың аутентификациясын қамтамасыз ету және электрондық құжат айналымын жүргізу қағидаларын сақтау мақсатында мемлекеттік ақпараттық жүйелерді бір-бірімен интеграциялау мәселесі қазіргі уақытта пысықталып жатқанын да атап өтті.

Оқи отырыңыз:

• SITA зерттеуі: Әуежайдағы ұзақ құжат тексеру жолаушыларды жалықтырады
• Қазақстандық IT компаниялар құжат айналымы саласында бәсекелестік болуын талап етті