Алматыда Қазақстан этностары театр өнерінің фестивалі басталды .

3 күнге жалғасатын мәдени іс-шарада елдің әр аймағынан жиналған театр әртістері тәжірибе алмасады. Мұндай фестиваль Мәдениет және ақпарат министрлігінің бастамасымен алғаш рет ұйымдастырылып отыр. Фестиваль Қазақстан халқы Ассамблеясының 30 жылдығына арналған. Форум аясында шеберлік сағаттары, шығармашылық кездесулер, режиссура мен актёрлік өнер бойынша Creative Talks өтеді. Сондай-ақ, заманауи театр тәжірибелері мен жаңа технологиялар талқыланып, елдің мәдени кеңістігін байытудың тың бағыттары қарастырылады. Аймақ театрларының өкілдері жетекші ұжымдардан үйреніп қана қоймай, өз идеяларын ортаға салып, жаңа қойылымдарға шабыт алады. Алғаш болып Наталия Сац атындағы орыс мемлекеттік академиялық балалар мен жасөспірімдер театры әзірлеген Буниннің «Махаббат грамматикасы» қойылымы ұсынылды.

Клара Шәдібекова, Шымкент қалалық өзбек драма театрының әртісі:

- Біз осындай фестивальдарға көп қатыссақ, бір-бірімізбн, басқа өнер адамдарымен тәжірибе алмасамыз, кездесеміз, танысамыз, багажымыз көбейеді. Бір-бірімізбен тәжірибе алмасуға ғана келдік бұл жолы. Енді тілеймін келесі жолы біз де осы ұжымымызбен бірге бір күшті спектакль, қойылым алып келеміз деп үміттенемін.